1哥教落 ！要生活工作化 ，冇生活就會冇晒靈感！冇晒靈感，做直播就會冇咁生動！千篇一律，去到月尾嘅日子！找晒數！約晒直播！忙咗成個月難得有一日可以忙裏偷閑！偷閑唔代表偷懶，今日去返我哋喺紅磡嘅隱世鐵板燒！好彩今日我哋去又幫襯！老闆開喺紅磡區地舖，竟然一個人都冇，點解我哋鍾意黎呢一間鐵板燒？因為老闆個火候控制得恰到好處。而且食材新鮮唔會有太多其他調味遮蓋食材本身嘅原味道，睇住老闆一道燒好似一度睇緊表演，一路等緊食咁，首先嗅覺會聞到香味，大腦分析到發出肚餓嘅味道，飲一啖清水浪一浪個口，一啖食落去、食到多士嘅脆、牛油嘅香、外脆內軟嘅鵝肝一口爆油！嘩果種感覺超飽滿足、你比$1000我都唔會換！鐵板燒我食過$1500 1個人頭嘅、五星級酒店入邊、食嘅可能係環境、我唔敢評論好與壞、而呢間人均唔到$400嘅鐵板燒、真心佢希望可以頂到做落去！一到食我都同老闆一齊講、你要頂住呀五好執笠啊我唔想冇咗間飯堂🤍現在做生意唔容易！大家要多啲支持本地生意🩵