【日本Costco購物攻略】

我007作為一個長期往返日本同香港嘅「半居住者」，Costco基本上係我每個月必去的補貨天堂！日本Costco除咗有超平價嘅日本產牛肉、海鮮、水果，仲有其他國家冇嘅日本限定商品（例如清酒、水果、牛、地區限定零食）。加上早排日元匯率優勢，價格通常係香港便宜7、8折！

日本東京Costco多數位於市郊，自駕其實最方便，但無唔識揸車嘅（我🤭），都可以選擇搭公共交通。下邊整理幾個熱門Costco 點俾泊粉參考：

📍Costco幕張店（千葉縣）

電車：東京搭JR京葉線到「海浜幕張駅」，再轉巴士（大概15分鐘）或者你可以步行25分鐘。

📍Costco入間店（埼玉）

電車：東京撘西武池袋線「入間市駅」下車，再轉乘接駁巴士（大概10分鐘）。

*如果想避開人潮，記得平日上午去或者揀落雨天！假日係超級逼人！People Mountain People See 🥴 

有機會大家係嚟日本玩幾日幾夜，咁啱又係book咗民宿（有廚房果啲），我真心建議大買佢哋嘅日本和牛切片、雞胸肉（超級平！）、北海道元貝、靜岡蜜瓜、岡山桃、季節限定草莓！！零食就更加唔使講🤤🤤🤤

記得Costco行會員制，如果你唔係會員就入唔到去。一個會員可以帶2-3個人。如果你冇會員卡，係可以即時同入面職員講想申請一張會員卡（申請之後，可立即使用，而且世界通行）。每個月都只係大約港幣$300左右。

最後007溫馨提示：去Costco 記得帶定現金，因為一般Costco 收嘅卡只肯收與當地銀行聯營嘅Mastercard！到時俾錢時，冇現金就好麻煩㗎喇😇