【007 + 17妹神戶遊記】鐵人28號：鋼鐵巨人嘅溫柔

第一次喺新長田站出口見到鐵人28號（出賣年齡系列），真係有啲震撼！18米高嘅巨型機械人，就咁棟喺住宅區中間！

呢個鐵人28號，原來有啲歷史！佢係2009年為咗紀念阪神大地震災難重建嘅。呢座完全按照動畫原作1:1比例打造嘅雕塑，如果你冇親身企喺佢腳下，你絕對感受唔到佢有幾大隻！

1995年阪神大地震之後，呢個動畫角色成為咗大家嘅精神支柱，因為神戶人相信鐵人總會係最危急嘅時刻出現。成個神戶市新長田區，都充滿住鐵人元素：鐵人井蓋、鐵人燈籠，連便利店開門都會播鐵人主題曲！

鐵人28號喺呢度唔單止係個雕塑，更加係代表住呢個城市嘅重生同希望，呢度人嘅情感同寄託。如果下次大家有機會去神戶你，記住唔好剩係去搵神戶牛、異人館🤣🤣🤣 試吓嚟新長田駅同呢個溫柔嘅鐵人打卡啦！