8,9年前第一次喺日本街頭見到新舖開張，門口竟然掛住幾個雪白大花環（日文叫「祝賀用花環」），17當堂嚇一跳——唔係掛？係我哋香港，白花通常去醫院探病或者殯儀館先出現，點解開張大吉會搞到似「白色現場」？
後來先明白，呢啲純屬文化差異嘅美麗誤會。😂
喺日本人眼中，白色唔係哀傷嘅代言人，反而係純潔無瑕嘅終極代表！佢哋覺得白色好似富士山頂嘅新雪、神社洗手嘅清水，自帶一股神聖莊嚴嘅氣場！！
新舖開張送上成片白雪雪嘅花環，其實係祝福對方「生意純淨光明、蒸蒸日上」，絕對係最高級嘅好意頭！
至於花材亦大有講究：白菊花🫶🏻係絕對主角。千祈唔好驚！喺日本文化裏面，菊花唔係喪禮專利，反而係高貴、長壽、吉祥嘅象徵，連皇室家徽都用佢。再配上青松綠葉，白綠相間，生生猛猛。望落素雅，實際暗藏玄機：「生意興隆！長做長有！」
如果再襯埋紅噹噹嘅賀詞綢帶（通常寫「御祝」或「開業御祝」），紅白撞色，又莊重又熱鬧，形成日本獨有嘅「純白慶典」美學。
所以話，下次喺日本見到「白花花」嘅開張陣仗，記住唔好衝動（笑）！淡定欣賞呢份純粹嘅祝福就好。溫馨提示：千祈唔好學日本咁，返香港送白花環賀人新店開張——除非你想同對方「絕交」🤣
我哋要入鄉隨俗，欣賞差異，先係旅行嘅精粹呀！
