《007 話你知大阪固力果跑手招牌嘅冷知識🤭》

道頓堀嘅固力果跑手係大阪必影地標，個個遊客都會同佢打卡。不過，呢個經典招牌背後有啲勁有趣嘅冷知識，等我一齊話你知！

睇返資料，1935年第一代固力果招牌，個公仔唔係跑步，而係一個倒立緊嘅體操選手！因為當年固力果賣嘅係補充能量嘅營養糖，倒立代表「健康有活力」。

而家大家見到嘅跑步造型係第二代（1972年）先開始嘅，靈感嚟自固力果嘅 slogan。當時設計師參考咗奧運選手衝線嘅動作。

由1935年到而家，固力果招牌已經換咗6次，每次都會跟時代改進。最搞笑係2014年換招牌嘅時候，變咗做七彩變色版，但俾日本人投訴話「太浮誇」，最終不敵日本群眾壓力，變返做經典藍白設計😌💙

個招牌設計左有33米高，係有原因㗎！設計師因為想所有人喺心齋橋入口都已經睇到呢個廣告牌！計過度過33米剛剛好👍 成個設計概念係「夜晚開燈時，可以倒映喺道頓堀川水上面」。

好多遊客會企喺戎橋上面影，但識影嘅朋友其實橋右邊嘅樓梯先係最佳位置，可以避開人潮之餘，仲可以影到招牌同河面倒影！

最後，點解大阪會有呢個Glico 跑步🏃招牌？因為固力果總部就喺大阪，而固力果最初代係賣一款叫「焦糖糖」嘅糖，廣告上跑手代表「食一粒焦糖糖可以跑300米」，因為佢一粒糖只有15卡路里咋！！

下次去大阪記住留意呢啲細節啦！我007 準備放假啦，拜拜🫶🏻🤭