【東京去大阪】新幹線 vs 飛機終極比拼！

作為日本兩大重點城市，東京同大阪之間嘅交通點揀好？咁啱我007親身試過2仲方法，同大家比較下：

🚄 新幹線優點

1️⃣ 時間實際更慳

表面上飛機快（飛行1小時15分），但識玩嘅你如果計埋：成田/羽田機場出市區+提前2小時到機場，分分鐘隨時用多3-4個鐘先可以由東京去到大阪機場。

新幹線東京站直出大阪市中心，2小時40分鐘直達「新大阪」。

2️⃣ 超方便體驗

班次密到癲（繁忙時間2-3分鐘一班），開車前10分鐘到站都趕得切。日本新幹線準點率高達99%！Delay 延誤？唔存在！但相比飛機延誤率確實高，分分鐘飛嗰一日取消班機都試過🥲

3️⃣ 性價比高

新幹線普通席單程都只係約14,000円，JR Pass仲抵（7日券29,650円任搭）。如果搭飛機，去機場都已經2000円 + 東京機票飛去大阪單程2萬円左右。

試過兩種方法，我個人覺得大家可以試新幹線！旅程途中同事體驗日本鐵道文化。如果你行李多，就更加要搭新幹線。而且新幹線班次密唔使等、又唔使安檢、又唔使託運行李、落車直達市中心；呢啲變相幫你慳咗好多時間，飛機都真係比唔上！🚅