想逃離香港嘅石屎森林？來到東京輕井澤絕對唔會令到你失望！呢個位於長野縣嘅高原度假勝地，海拔1000米，夏天平均氣溫得20度，超多別墅度假村裝喺呢度，沿路都會見到好多好靚嘅別墅建築！連日本天皇都會來避暑〜真係名副其實嘅東京後花園🥺🩵

17最最最喜歡係佢嘅空氣，超級清新！

同埋佢獨特文青氛圍，感覺係呢度邊個地方拍照都非常之靚！舊銀座通有兩排滿滿嘅歐式木屋cafe，必試昭和8年開業嘅「丸山咖啡」手沖單品❤️‍🔥

雲場池嘅紅葉倒影靚到似postcard，如果要打卡嘅朋友仔啱季節的話一定唔可以錯過！

outlet控更加係可以到訪全日本最大嘅輕井澤王子購物廣場，有齊200幾間店舖，仲有靚景露天溫泉♨️  保證行到你腳軟，仲要隨時有啲特價貨靚嘢俾你買走！遊客仲可以退稅（超羨慕）😆😆😆！！

交通都好超方便，東京搭北陸新幹線1小時直達，建議住返晚森林系酒店，聽朝仲可以去白絲瀑布吸收負離子🩵🩵🩵冬天來仲可以滑雪，一個trip滿足晒你幾個願望！

有機會嚟東京玩嘅朋友仔千祈唔好錯過輕井澤，記得留返兩日一夜感受一下超親近大自然氛圍，清新脫俗的小小後花園，夏天冬天都好適合去🥰