【007旅遊食記】大阪章魚燒嘅貪食日記🥸

各位食家好！今次同大家分享我喺大阪最癲嘅覓食經歷 —— 章魚燒！作為一個章魚燒狂迷，每次去大阪，我個行程表一定會有「掃街食章魚燒」呢個任務。佢脆皮外層、流心內餡，仲有彈牙煙靭到爆嘅章魚粒，淋上濃郁醬汁同蛋黃醬，再睇住啲木魚喺上面跳舞… 諗起都流口水呀！

原來章魚燒係好耐以前係「窮人恩物」。你估唔到呢？！章魚燒雖然係大阪最Iconic 小食，但其實佢嘅歷史係喺1930年代起，由一個叫「遠藤留吉」嘅小販發明。最早期嘅章魚燒係「長條形」㗎，後來先改良成而家嘅波波形。

當時遠藤先生為咗吸引更多低下階層嘅人可以買嚟食，佢用超平價章魚粒，加埋啲超濃味醬汁，諗住可以蓋住平價章魚粒嘅腥、雪味。點知咁樣做竟然俾佢殺出一條血路，佢發明嘅章魚燒紅到black Jack，更係稍後時間成為咗大阪街頭美食之王！

大家千祈唔好嫌章魚燒粒章魚咁細粒？因為正宗大阪章魚燒嘅章魚粒係偏細嘅，咁先可以等每一啖都食到麵糊、章魚同汁嘅平衡。如果你見到成隻迷你章魚塞入去嘅，勁大粒嗰啲通常係呃遊客錢嘅！😂😂

007私心推介大阪必食章魚燒店:

1️⃣ 甲賀流：老字號名店，外皮脆到似餅乾，醬汁甜鹹比例啱啱好。

2️⃣ はなだこ：本地人先識去，湯汁香到暈，木魚多到好似唔使錢！

下邊呢張相係今次去大阪同17妹食章魚燒時候影嘅，你睇吓我個樣幾唔開心就知道有幾「伏」😔😞 未食過咁🤢😵‍💫 嘅章魚燒，真心香港有好多間都俾佢好食（特別喺葵涌廣場入邊，天橋嗰層😋）。

有冇人想知邊間咁「伏」，快啲留言我話你知！ 🐙🤤又或者PM 我你心水推介香港章魚燒店！！😎👍