愛狗嘅我今日去咗加拿大朋友屋企湊狗，佢係日本秋田犬種女仔嚟，個名叫「Matzu」，亦即係日文「公主」意思👸🏼 日本秋田犬係超忠心嘅日本國寶犬❤️

1931年秋田犬被日本政府封為「天然紀念物」，甚至國際狗會（FCI）都有認可。而秋田犬早係日本江戶時代已經係武士家族必養寵物，佢代表住家族地位同勇氣。

秋田犬種超級忠心，亦都係「忠犬八公」故事入面嘅主角，對主人不離不棄。東京澀谷站入面嘅「八公像」就係全球知名嘅忠心象徵，仲拍成電影《忠犬八公物語》。日本人當佢係「招福犬」，代表家庭和睦㗎。

日本人對待秋田犬唔單止當佢係寵物咁簡單，仲代表住日本文化，代表住忠心、勇氣同尊嚴。

大家養狗之前要了解清楚佢嘅性格同需要，先可以同佢做一世好拍檔。 🐾