《日本神社建築風格 ⛩️》

神社嘅設計好簡約自然，多用木材、茅草呢啲天然材料，成日見到原木色或者白色，冇乜花巧嘢，感覺就係好乾淨。

其中有4個比較易認嘅特色，泊粉下次去到日本參觀神社嘅時候，可以留意多啲 👁️👁️

1️⃣ 鳥居：即係嗰個紅色或者原木色嘅大門框，代表住「神嘅領域」同「人界」嘅分界，一穿過去就進入神聖地帶。

2️⃣ 手水舍：參拜前要喺度洗手、漱口，寓意洗走污穢，乾乾淨淨見神明。

3️⃣ 本殿：神社最神聖嘅地方，係神明住嘅「屋企」，通常你見到唔開果間，普通人只可以喺外面拜。

4️⃣ 注連繩：會有一條好粗嘅稻草繩，綁喺神殿或者神樹上面，標記住「呢度有神」，大家見到要尊重。

總括嚟講，日本神社嘅風格就係一切崇尚「自然、乾淨、神聖」，係神明居住嘅地方，同中國寺廟金碧輝煌設計好唔同！