成日見人問：「而家打針做機咁方便，點解仲要畀錢去做人手Facial？」  

講真，17初頭都咁諗！！直到有次爆痘期去美容院，美容師一掂我塊面就話：「你左邊腮位好似有粒野！如果幫你係咁推嘅話可能會刺激到佢爆出來，不如幫你敷啲嘢做深層清潔睇吓會唔會鎮靜到佢？」結局做完，粒野憑空消失左，人手facial就係一件咁神奇嘅事，真係好似觸診咁，有經驗嘅美容師一摸上手就知道點樣幫你解決！

點解櫻花妹堅持人手＋醫美雙線作戰？

來到而家2025呢個年代，見到個個明星50歲60歲都keep得咁好，大家應該唔會再好似以前咁咁抗拒做醫美，日本出名好多美魔女，係真係名副其實50歲都好似30歲嗰種白滑皮膚！其實佢哋唔係真係全部都用人手Facial，間唔時都會加吓啲醫美，改善一啲地心吸力嘅問題〜

▸ 急症搵醫美：  

深層妊娠色斑，法令紋呢啲「硬骨頭」，一年做幾次皮秒，再加用一啲高功能嘅美白護膚品雙管齊下，皮膚想黃都難啦！

▸ 保養靠人手：  

每月一次Facial等同「肌膚大掃除」——  

• 最緊要幫你做清潔，等你每日護膚品都吸收得好啲！

• 淋巴按摩去水腫，按完即時V面（自己用美容儀永遠唔夠力）  

點揀先唔會中伏？

1. 港日大不同

香港就好興買套票，但係日本人反而覺得你一下子買套票會好大壓力，佢哋會着重單次收費！每一次光臨都為咗你下一次再光臨而努力！

2. 避開「hard sell陷阱」：  

東京沙龍規矩係「療程中嚴禁推銷」，香港都要學精：一聽到「你唔買package效果都冇咁好」即走！  

最神奇係做完人手Facial個種通透感！！

唔係即時變V煞咁戲劇化，而係第二朝瞓醒，摸落去又滑又軟，好似飲足水嘅水蜜桃🍑 呢種細水長流嘅靚，可以keep到10日以上都好白滑，醫美真係取代唔到～