好多人都聽過油性肌，乾性肌，混合肌等等，其實最難處理就係暗瘡肌！因為不斷重複生長的暗瘡會導致皮膚越嚟越粗糙，臉上會越來越多坑坑窪窪搞到毛孔鬆弛，油光滿面！事實上暗瘡肌係點樣形成既呢？  

17都係過來人，以前成塊面都係暗瘡，真係好困擾～後來先知道，原來暗瘡肌唔單止係因為油脂分泌過盛，仲有好多隱藏原因：  

暗瘡肌嘅三大元兇

▸ 壓力型：考試季/加班期特別嚴重，下巴同額頭會爆晒石頭瘡  

▸ 荷爾蒙型：每月姨媽到訪前必生幾粒大膿瘡，位置多數係腮位同下巴  

▸ 護膚品型：用錯太滋潤或含酒精產品，搞到毛孔堵塞又敏感  

點解暗瘡會越生越勁？

1. 手痕族：見到粒瘡就忍唔住擠，結果細菌感染埋鄰近嘅毛孔，同一個位置生完一次又一次！

2. 過度清潔 : 狂用控油洗面奶，護膚產品都選用控油，反而令皮膚乾到出更多油。

3. 亂敷面膜：爆痘期用好多機能性面膜，裏面嘅活性成份更加刺激暗瘡滋生，根本係細菌嘅盛宴！  

17嘅抗痘心得

• 急救期：用茶樹精油點塗（局部位置)

• 穩定期：每週一次泥膜深層清潔，但避開脫皮部位。深層清潔果凍型可以全面敷！

• 疤痕期：堅持用維他命C精華，淡印效果慢但安全，痘印都係屬於色素，點樣都要搽防曬！

最緊要記住：暗瘡肌最忌急進！我試過連續三個月日日換枕頭套（以前直播講過）早睡＋簡化護膚步驟，先慢慢調理返好個底層～而家就算偶爾生一兩粒，都唔會再好似以前咁大爆發啦！