17成日試新產品，有時用完第二日塊面就會紅卜卜，真係好困擾！呢啲突發性敏感係咩類型嘅皮膚性質都有機會出現，明明睇網上評價話好溫和，點解自己用就會敏感呢？除咗學識睇成份之外，原來日本妹揀護膚品有套獨門心法，可以幫你簡單咁篩選護膚品！

點解會敏感？

日本無論係都心定還是郊區都會有好多皮膚科專科門診，大家都知道日本保險係包埋睇皮膚科，就算係一粒暗瘡嘅問題櫻花妹都會選擇交俾專業人士！

敏感肌其實分兩種：  

1. 先天型：皮膚屏障脆弱，容易受刺激  

2.後天型：過度清潔或亂用產品導致  

當然先天性嘅敏感肌係一年365日用任何類型嘅產品都可以敏感，而日本好興做「肌膚基因檢測」，可以知道自己屬於邊種敏感類型，對症下藥！  

但如果係後天敏感或者屬於突發性敏感肌，多數都係使用產品又或者環境改變壓力等等因素導致我哋皮膚變差，肌膚屏障出現問題。

日本護膚產品之所以得到全世界人喜愛，都是因為他們嚴格的基準以及生產標準，精準決定到成份的份量，包裝的安全度，以及所有印刷的字眼。有用開日本護膚品嘅朋友們一定知道嘩眾取寵嘅字眼喺佢哋市場上係好難見到的，所以敏感肌揀產品就可以認住三大黃金標準！

1. 皮膚科醫生監修

   - 認住「皮膚科医開発」標籤  

   - 或者係大大品牌開發的敏感系列  

例如資生堂d program

2. Cosme大賞認證

   - 每年「敏感肌部門」排行榜超有參考價值  

更有一啲連續每一年都攞獎嘅品牌已經上了殿堂級，基本上可以閉眼入！

3. 低刺激測試

   - 「アレルギーテスト済み」字樣最可靠 ，因為已經做晒至敏源測試，甚至寫明孕婦可以用。

   - 「無香料・無着色・無酒精」三無甚至乎七無產品，亦都係敏感皮膚首選！

每個人皮膚都唔同，揀護膚品要學識睇認證，記得唔好盲目跟買啊！🩷