如題 ，我哋做咗直播兩年、日本嘔咗一次、今次香港又係想嘔既一次、原因係咁樣、我哋通常喺舖頭閂咗門之後做直播、好多舖頭都係中央冷氣，而家室外溫度30幾度、當佢10:30熄冷氣嗰陣，大概11點左右就開始好焗、今日呢一場仲要係做衫、對於我哋呢種肥仔嚟講、焗係辛苦過一切、大概開始12:30嗰時我個頭上面開始有星星、不斷飲水、無論點都要堅持完個直播、因為我哋同主理人都落咗好多心機、見到臨尾每一位客人都揀到自己心頭好一落到樓、即刻衝入七仔買一盒冰凍檸檬茶、跟住call的士飛返屋企屋、頂佢、去到紅隧又架車死火又塞咗15分鐘、個司機開得好快本身已經頭暈暈、一落車頂唔順 嘔左出黎 。好在返到屋企沖完涼唞一陣回復返狀態，聽日繼續用最佳狀態直播俾大家睇